الموضوع: قوانين التحشيش

لغرض تحقيق غرض المنتدى للترفيه والتسليه التي تضفي البسمه والفرحه على قلوب جميع مرتادي ومستخدمي منتدانا
منتدى دجلة
و لغرض عدم تحول الروح الفكاهيه الممتعه
والمفيده الى اي هدف اخر مضر اومسيء
بشكل عام ذوقيا



يرجي الالتزام بالشروط التاليه

ارجو منكم من تردون عدم التجريح و ما تتجاوزون على العضو المقابل
و تراعون الكلمات..




عدم تحول الردود الى ردود شخصيه بين الاعضاء والالتزام عند الرد بالموضوع دون الخروج عنه..






بالنسبه للنكات والتحشيشات
أ- التأكد من كونها غير مكرره..
ب- التأكد من كونها غير مسيئه لأي جنسيه او قوميه او ديانه او اي فئه اخرى معينه


نكت عن الاكراد..

نكت عن الناصرية..
نكت عن القيادة والحكومة والسياسة
واي شي يثير طائفية
ممنوووووووووووووووووووووووووعة

لانها سبب لاثارة خلافات نحن في غنى عنها في منتدى التحشيش
ج- يرجي ان تكون النكات واضحة او بلهجه مفهومه للجميع..
وان تكون غير مخدشة للحياء.
د-كتابة على الاقل خمس نكات في الموضوع(مو تكتبون وحدة وتطفرون ياعيني انتو )

واذا خالفت المشاركه احد الشروط الاربعة المذكورة سيتم حذف او اغلاق الموضوع.







كتابه الموضوع بخط واضح ومرتب وبالوان حلوه حته اتصير سهله على القارئ ومفهومه
وانتبهو على الاملاء معودين ..الاملااااااء...(مرة واحد منزل نكت كومة وبلون ابيض ..هع)





الالتزام بوضع الالعاب في قسم الالعاب الترفيهيه.
والصور التحشيشية الهه منتدى اسمة منتدى الصور والمقاطع المضحكة..






بالنسبة للتهاني والتبريكات والترحيب بالاعضاء الجدد
اي موضوع ينزل بهالصيغة راح ينقل الى منتدى التهاني والترحيب بالاعضاء الجدد





كل عضو اله حق ينزل موضوعين باليوم فقط حتى ننطي مجال للبقية..
وكل عضو ياريت يتابع موضوعة من حيث الرد على الاشخاص اللي دخلو لموضوعة وشاركو بيه..





لا تنبشوون بالمواضيع القديمة وتطلعوهه للصفحة الاولى..حتى لا تاخذ مكان المواضيع الحديثة..





قبل ان تنزل موضوع اتاكد انو مموجود نفسة بالصفحة او مكرر او معاد او قديم كاتلة التراب ..
ترى حيكون مصير العلس ثم العلس..





ماريد تجاوز او حجي ثكيل بالردود
واتذكرو
"احنة دنحشش لا اكثر و لا اقل"
اي كلام او تجاوز بالردود بين الاعضاء او خلافات معينة من اي نوع كانت
ارجو مراسلتي اما على الملف او بالرسائل الخاصة واني اتصرف فورا...






الردود كون حيويه يعني مو شكرا وهاي هيه يعني حاول تتفاعل وية الموضوع

واللي ينزل موضوع ياريت يبقى متابعة ويشكر الاعضاء اللي دخلو لموضوعة
مو تنزلون الموضوع وتفلتون..



اي اشكال عدكم وية مشرفي المنتدى اكو شي اسمة
منتدى الشكاوي
وهناك يتم مناقشة الاشكال وصولا للحل المناسب


يجب ان يكون الموضوع محشش وبيه فكرة
مو تجي تنزل صفحة فارغة لو الموضوع بيه سمايلات وتكول نزلوو جوة وتالي يطلع ماكو شي




ومااريد احد ورة هالقوانين يجي ويعاتبني يكول زيتية وداركو ليش قفلتو لو حذفتو موضوعي
وياريت تبطلون من سالفة الكوبي بيست وحاولو تحششون انتو من ابداعاتكم



اتمنى انو تلتزمون بالقوانين
وطبعا احب اكوللكم بالنهاية
حشش تفرفش
يلة راوونة شطارتكم وشوفونة تحشيشكم الخنفشاري
اريد طاقات
يلة اريد اشوف ضحكات الاعضاء انريد نضحك نفرفش نمرح
تحشـــــــــــــــيش الى ما لا نهاية


اتبع القوانين
وبذلك سوف تجبر الجميع على احترامك
وشوكرا